اكتب قصة حياة بنت في عمر الزهور، يمكن تكون عظة وعبرة لكل بنت تقراها أو تكون قصتها مماثلة للمرحلة اللي انتو مريتو فيها فالعمر واللي هي مرت فيه .. بنت عمرها 18 سنة فبداية دراستها فالتعليم العالي ،تمنت ان تتخرج من كليتها بشهاده تفرح كل اللي يحبها و خاصة اهلها أمها وابووها ، هي بدت تعرف الحياة من دشت الثنوية ما كانت تعرف شي غير اللعب والشقاوة و الشردات من الكلاسات أيام المدارس ، بدت شرداتها في سنة الثاني ثنوي علمي .. علمي وشردات حلوة خخخ .. شرداتها كانت من الملل اللي يكون فالحصص .. كانو يلقبونها بأم الفضووول .. وللحين هي ام الفضول بس فالاشياء البسيطة ، فهالسنة ضربها فضوول فشي ما كان من مستاوها يعني ما كان هالشي من سنها ، كانت تجهل شو هالشي وحبت تعرف شو يعني هالجات اللي تشوفه فكل مكان ، وذاك اليوم دشت بنك ( غـ......) شافت في اقسام و ناس ترمس وتقرقر دشت وياهم فالسوالف عيبها هالشي وكل ما ترجع من المدرسة تيلس عليه ، و كان في ناس يرمسوون عالخاص بس هي ما كنت تعرف انه خاص ، لين ما عرفت انه هذا شخص واحد ويرمسها وما كان يبا يرمسها جدام الكل ، وكانت مدمنة على قسم جاوب واطرد خصمك ، كانت تستانس عالاجوبة والطرد لين ما دش شخص كان يغلبها ، بدت حياه جديدة وهي ما عرفت هالشي بدت تعشقه و هي ما تعرف هالشي استوت تحب ترمس وياه بدت اتجرب منه ، كانت تهتم فيه وهو يهتم فيها ، وفي يوم من الايام قالها (أحبج ) ، وهي استانست وااااايد ، لانه بادلها المشاعر اللي هي كانت هي خاشتنها عنه ، واعترفت له انها هي بعد انعجبت فيه وحبته ، بس ما توقعت هالشي بيدمر حياتها ، ما توقعت انه بيخليها هيمانه في بحر اسود ماله مخرج ، مرت الايام وكان يقولها : اذا احتجتيلي دقي علي . كان يعطيها رقمه بس كانت تقوله لا ما ابا شي ما بحتاج لشي ، في ليلة من الليالي كانت سهرانه وياه قالها ابا اسمع صوتج ارحميني خليني اكون جريب منج ، وهي كانت غبية انها صدقت كل كلمة منه وطاوعته ، خذت رقمه ووعدته انها بسمعه صوتها فاليوم الثاني الساعة 9 الصبح ، هي ما قدرت ترقد طول الليل وهي تفكر فيه.. كيف بيكون هالشي اخوانها لو عرفو شو بيسوون كيف بترمسة شو بتقول له ،
الساعة 9 الصبح يوم الخميس دقت وهي خايفة ، اول مرة ما رمست بندت ، ثاني مرة قالت له اسفة وبندت و دشت النت عشان ترمسه وتقوله ما قدرت ترمس ما تعرف شو ياها و هو كان موجود .، قالها لا تخافين انا ويااج ، كملت مشوارها وياه و هي يا غافلينكم الله ، مشت عالدرب الغلط من ورى اهلها ، بما انها كانت جاهله بمصيرها ما كانت تهتم بعمرها كل همها ان تهتم فيه وتراعيه وما تخليه يفكر فحد غيرها ، نست كل شي حولها ، واستمرت ويااه عالتلفون ،فإجازة الصيف سافرت ،والمشكلة كيف تسافر وهي قلبها متعلق فيه ما تقدر تفارقه ، وحتى يوم كانت مسافرة كانت ترمسة فاليوم مرة على الاقل و مرات يمر اسبوع ما تسمع صووته ، في يوم ظهرت السوق و ردت الساعة 9 فالليل كانت تفكر فيه وتحاتيه لانه محد وياه فالبيت اهله سافرو عنه وهو فالبيت بروحه تعرف انه مب ياهل بس بعد تحبه وكل يوم عن يوم كان يزيد حبها له ،
دقت له وكانت الساعة 12 بالليل رمسته وتسألته عن احواله واخباره ، وفجأة ياها سؤال فبالها حبت تعرف اسمه بالكامل سألته وجاوبها ، تمت تحفظ كل حرف من اسمه وين ما تسير تقول اسمه اي شي تشوفه تذكر اسمه ، رجعت البلاد و كانت مستانسة لانها رجعت لقلبها دقت اول ما وصلت وتمت ترمس وياه وتخبره شو اللي صارلها وما صارلها ومرت الايام ، في يوم قالها ابا اشوفج حست بارتباك ما عرفت شو تسوي تطاوعة ولا ترفض هالفكرة ، كيف تشوفه كيف يشوفوها مب معقولة تظهربعد من ورى اهلها مستحيل تطلع وياه ، الشيطان قص عليها وخضعت له ، وافقة انه يشوفها بس اهلها يكونون ويايها ، تواعدوا فالمرينا مول ، كان ثالث يوم من عيد الفطر دشوا السنما مع بعض وكان موجود على السطر الرابع من المدرج وهي كانت فالنهاية ،شافته وعرفت انه هو وكان ذاك اليوم من اسعد الايام يوم اللتقت فيه واخيرا شافت الشخص اللي حبته كانت مذهولة وفرحانه فنفس الوقت ما عرفت شو تسوي ، تبتسم تضحك تصيح ما تدري ، خلص الفلم وظهروا عند البوابة عرفها ، سارت البيت وهي مب مصدقة من اللي صار صدق شافته ، ومرت الايام والسنين وهي وياااه ، مستمرة على علاقها فيه ما تقدر تتخيل عمرها بدونه استوى روحها وقلبها اللي يحييها ، منعة نفسها من كل شي ما يعجبة تخضع لأوامرة اللي يطلبه منها و تسويها بدوون تردد ، تعلقت فيه بشكل فضيع وللحين هي تذكره وما تقدر تنساه ، اوهو اول من احيى قلبها هو اللي عشقته واول من دش قلبها ، و اول من تخرجت من المدرسة سويتلها اول ايميل لها وعطته الايميل والباسوورد عشان يجيك عليه اذا حب عشان يعرف كم هي تحبه و تغليه ومستحيل تصير لغيرة ، امنت عنده كل حياتها حبته من كل قلبها ، من بعد هالمواقف كلها بدت حياتنا تخترب بديت نتضارب على ادنات شي بدت تغار من ظهراته لدبي حست انه خلاااص حبهم بدأ ينتهي ما يرد على مكالماتها يرمسنها جدام اربيعه ولا جنه لها حشمة ، تضاربت ويااه على هالشي وااايد ، بدت تحس بالفراق العاطفي بدت تحس بالضيق والهم والكدر ، هي تعترف انها غلطت وتقسم بربها انها غلطت بس بعدنها ما توبة عنه ، مرة من المرات كانت يالسة على منتدها المفضل و هي من عادتها ترمس وااايد فصندووق المحادثات لسوالف وتضييع الوقت ، كانت تفرغ كل همومها وضيقتها فهالصندووق كانو ينسوونها كل شي كانت تضيع وقتيها كله عندهم ، وكانو يسولفون ويرمسون ، الصبح وهي فالكلاس كانت داشة المنتدى طبعا كلاس ممل لازم شوي تغير جوي ، دشت ويلست تسولف و فجأة طلب احد الاعضاء ايميلها ، تفجأة بس اعتذرت ما تقدر تعطيه الايميل ، مرت الايام وهي في داخلها فضول ليش يبا ايميلها شو اللي فينها عشان يأخذ ايميلها ، و تبون الصراحة هالعضو انسان محترم ولا عليه كلام يحب يساعد الكل ، عشان جي هي اتفجأة من طلبة ، من فضولها سارت تجيك على ملفة الشخصي ، لقته محطي ايميله ضافته عندها ، كانو يسولفون سوالف عادية ما فيها شي وكانو يسهروون ويا بعض و يرمسوون وااااااايد ، بدت تميل صوبه بس فنفس الوقت تذكر اللي حبته و الوعوود اللي بينها ، في يوم كانت ترمس وياه عالمسن قالها يبا يقولها شي بس يوم الخميس و لازم تتريا ليوم الخميس ، اوكي اتريت ليوم الخميس ، ولليلة الجمعة قالتله: كنت تبا تقول شي ، قال : هيه بقول بس ما اعرف كيف اقول اخافج تزعلين وتفهميني غلط ، قالتله: قول، وقالها عقب ضغطها عليه ، قالها انا احبج بالحروف (أ-ن-ا-أ-ح-ب-ج)
بس قالتله انها ما تقدر تحبه وتمت تبتعد عنه تمت تقوله انها ما تقدر تحبه اهلها شالين قلبها وخاشينه ، وحاولت تبعده عنها بس استمرت وياه وهي كانت خاشة عنه اشياء وااايد ، يعني قصت عليه هيه تعترف انها ما قالتله عن حياتها الخاصة بما انها كانت تسولفله عن كل شي ، مرات كانت ترمس فالتلفون وهو يترياها يعني كانت ترمس اللي حبته ، هي ظلمته وااايد و تعترف واعتذرله لانه هالانساان ما يستاهل انه يحبها ، و ذاك اليوم توفى يد اللي حبته ، و فاليوم الثاني الصبح كانت يالسه عالمسن تترياه يدش دش وخبرنها انه يده هو بعد توفى ، وفهذي اللحظة انصدمت صدمة كبيرة ، اتلخبطت الدنيا علها ما عرفت كيف تفكر ، سألته عن اسم يده قالها انه حـ--- ويوم سألت اللي حبته قالها عـ--- ، جي عرفت انهم غير ، كانت تسولف ويا اللي فالمسن يلست تسأله ضربنها فضوول بغت تتأكد اكثر وأكثر من هالشي كان يجاوبنها ، خبرنها وعرفت انه يصير للي حبته ، بس بعدنها ما نطقت بشي ، لين يا يوم الجحيم اللي ظهر فيه كل شي وخبرته عن كل شي ، وهو كانت عنده خلفية عنها لانه اللي حبته فاضحنها ، قالها انتي هي اللي واللي واللي ، كل شي كان صحيح ، وخبرته عن كل شي كيف كان لقاهم ، وكانت تسأله عن اللي حبته وخبرنها عنه وعن اسمه وظهر كل شي اخرطي طلع اللي حبته جذااااااااااااااب الصدمة الكبيرة اللي للحين مب قاردة تصدقها سنتيييييين وهي مغشوشة فيه واللي عرف عنها كل شي عمرها ما جذبت عليه فاسمها و فعمرها ولا خشت عنه شي ، ليش سوى فيها جي ، ما تعرف وهي للحين مصدوومة منه ليش ليش ليش هي شو سوت عشان يسوي فينها جي عمرها ما ضرته عمرها ما سوت شي ما يحبه طول هالسنتين وهي مخضووعة لأوامره ، بس اذا فات الفوت ما ينفع الصوت ، شو بتسوي ما تقدر تسوي شي كل الاحلام اللي كانت تتحلم فيها ضاعت ، والحين هي انسانه ثانية ما تفكر الا اللي يسرها وما يهمها غير نفسها ، هي الحين بنت يديده ما بتخلي احد يقص علها لانه الحين تفتحت عيونها تدري من عقب اللي صارلها مستحيل تنسى اللي صارلها بتم فبالها لين ما تموت ، وعن اللي فالمسن هي للحين وياه بس بدون حب هي تعزه وتحترمة بس هاللي بينها وبينه.
الرئيسية 
أحدث الصور 
موضوع: فتاة في سن المراهقة 
الثلاثاء ديسمبر 02, 2008 10:05 am
